东京药妆 松本清唔係最抵买的药房!

作者: 时间:2020-06-15生科观点402人已围观

去日本,港女其中一站的行程必定会狂扫药妆!不过爆买当然要买到至抵,自称「精明眼」的港女记者,发现东京药妆最平入手店,唔係总有一间喺左近的松本清(マツモトキヨシ),亦都唔係港人最常去的Sun Drug(サンドラッグ),而係以下呢一间!

逐间格价!同一货品 相差¥600

港女购物一向都唔係精打细算,行街买嘢争嗰几蚊就算啦!尤其旅行就很少左格价右格价,不过自从经历跟超悭家闺密一齐去旅行,仲要去日本,咁就出事啦!佢去到 东京药妆 店原来识变脸,即变精明眼「黄老太」,仲拖住我行足N间药妆店,逐间格价呀!但一格之下,原来同一件货品,在同一条街的药妆店居然可以相差¥600!发现自己买到平嘢,真係好有成功感,省下来的钱用嚟扭多两粒蛋都得啊!

东京药妆 松本清唔係最抵买的药房!
虽然门口唔够显眼,但OS Drug胜在够平。

对于唔锺意格价,但又想悭番少少的姊妹们,你们有福啦!因为港女今次行到脚都跛,成功发现东京最抵药妆店:OS Drug!虽然门口望落唔多显眼,但其实禾秆冚珍珠!唔信?等我行匀松本清、Sun Drug和OS Drug,再拣几件港人必买产品逐一价格!

1)Wakamoto若元锭胃肠药

OS Drug ¥1,389(未连税)最抵!

松本清 ¥1,780(未连税)

Sun Drug ¥1,791(未连税)

东京药妆 松本清唔係最抵买的药房!
WAKAMOTO的肠胃药一向受港人欢迎,在OS买未连税价只要¥1,389!
2)Pair暗疮膏

OS Drug ¥819(未连税) 最抵!

松本清 ¥1,450(未连税)

Sun Drug ¥999(未连税)

东京药妆 松本清唔係最抵买的药房!
同一份量的PAIR暗疮膏,在松本清要¥1,450,贵成超过¥600!
3) 金色防晒乳霜

OS Drug ¥2,300(未连税) 最抵!

松本清 ¥2,480(未连税)

Sun Drug ¥2,480(未连税)

东京药妆 松本清唔係最抵买的药房!

4) 乐敦Lycee粉红眼药水

OS Drug ¥364(未连税) 最抵!

松本清 ¥570(未连税)

Sun Drug ¥368(未连税)

东京药妆 松本清唔係最抵买的药房!
女士最爱的粉红色眼药水,戴住大眼仔隐形眼镜都用得。
5) 龙角散

OS Drug ¥474(未连税) 最抵!

松本清 ¥665(未连税)

Sun Drug¥522(未连税)

东京药妆 松本清唔係最抵买的药房!
松本清的龙角散要¥655,好贵啊!

6)EVE头痛药

OS Drug ¥907(未连税)

松本清 ¥1,315(未连税)

Sun Drug ¥880(未连税) 最抵!

7) Meiji明治胶原蛋白粉

OS Drug ¥1,600(未连税) 最抵!

松本清 ¥1,649(未连税)

Sun Drug ¥1,645(未连税)

东京药妆 松本清唔係最抵买的药房!
港女最锺意明治推出的胶原蛋白粉,味道不重易入口。
8) 花王蒸气温热眼膜 14片装

OS Drug ¥838(未连税) 最抵!

松本清 ¥925(未连税)

Sun Drug ¥925(未连税)

东京药妆 松本清唔係最抵买的药房!
港女睡觉时不时都要用花王蒸气眼膜,在OS Drug买亦是比较抵!
总评:先行一转OS Drug,再到Sun Drug补货!

虽然OS Drug办理唔到退税(大部分Sun Drug和松本清分店都可以),但现时日本要消费满¥5,000才可以办理退款,所以自用买家,唔需要大手入货的,建议先到OS 睇睇!而且OS的大部分货品都比Sun Drug和松本清便宜,相差价钱甚至比消费税8%为多,所以OS Drug真係全城至抵!不过OS的货款不算齐,以药品为主(化妆品品牌较少),加上出名够平,所以很多货品一上架就被扫光,不时都有缺货问题。扫完一转OS未够喉,再去第二抵的Sun Drug入货!

东京药妆 松本清唔係最抵买的药房!

识去一定去上野店!

虽然OS Drug的门面唔够抢眼,规模亦都无松本清的大!不过东京分店数目亦都不少,旺区如涉谷、新宿、上野和吉祥寺等都有分店。今次港女途经涉谷、新宿西口和上野的门市都有入去望望,当中涉谷店正正位于地标109对面,很容易就搵到,不过店面实在面积太小了,列出来的货款不多,拿出shopping list问店员不少都正缺货中。建议大家要行,就去上野店,面积较大,货品亦都比较齐和多!加上位处阿美横丁,1分钟的路程之内,有齐Sun Drug和松本清,方便补买和格价!

东京药妆 松本清唔係最抵买的药房!
上野OS Drug的货品比较齐,扫货必去!

OS Drug分店列表

涉谷店

地址:东京都渋谷区道玄坂2-5-10

营业时间:8am-9:45pm

新宿店

地址:东京都新宿区新宿3-29-13

营业时间:10am-7:45pm

新宿西口店

地址:东京都新宿区西新宿1-8-1 新宿ビルディング地下2阶

营业时间:8am-6:45pm(逢星期日休息)

上野店

地址:东京都台东区上野6-11-5

营业时间:10am-8pm

吉祥寺店

地址:东京都武蔵野市吉祥寺本町1-9-9第19アズマビル1F

营业时间:10am-7:45pm

INFO

网址

东京药妆 松本清唔係最抵买的药房!
OS Drug仲有不少优惠活动!
延伸阅读:Loft 30 周年限定商品|文青必买人气文具、复刻精品!

东京药妆 松本清唔係最抵买的药房!

相关文章